Perfect Sounds Forever: Frøkedal & Familien
lørdag 18. april 2015 kl. 21:00 på Strædet
FRØKEDAL er det nye prosjektet til Anne Lise med same etternamn. I tillegg til å vere sentral i band som Harrys Gym og I Was A King, har ho spelt cajun og tradisjonell musikk med lokale spelemenn og konspirert med aktørar frå house/elektronikascenen i Oslo. Desse inntrykka blir oppsummert i eit uttrykk som er like sterkt i kjærleiken til det akustiske som det er svakt for enkle, effektive beats.
Frøkedal sin musikk er mørk og melodisk, inspirert av alt frå 60tals folk via Cocteau Twins til Brian Eno sin minimalistiske pop.
Frøkedal reiser aller helst saman med FAMILIEN, der nokre av dei finaste musikarane og folka her til lands er samla: Olav Christer Rossebøe (fele, mandola), Erlend Ringseth (keys), Thea Glenton Raknes (vokal, perkusjon) og Ingeleiv Berstad (fele, vokal)