Underskog

Johan Harstad i samtale med Bjørn Gabrielsen på Litteraturhuset.

I Johan Harstads nye roman “Hässelby” følger vi den kjende barnebokfiguren Albert Åberg. Albert har no blitt vaksen, han jobber på Clas Ohlsson og forsøker å lausrive seg frå faren så vel som staden han kjem frå, drabantbyen Hässelby. Historia om Albert Åberg er samtidig ei forteljing om det svenske “folkhemmet”, eventuelt om folkhemmets fall, som går paralellt med Alberts liv.

Johan Harstad debuterte i 2001 med kortprosasamlinga “Herfra blir du bare eldre”, og året etter kom novellesamlinga “Ambulanse”. Hans første roman,“Buzz Aldrin, hvor ble det av deg i alt mylderet”, utmerka seg som ei av årets beste bøker i 2005. “Hässelby” har også hausta strålande kritikkar, og vert omtala som Harstads mørkaste bok til no.